Huli na ng makitang tinanggap mo pala
Titig ng langit
Hinagpis sa unang luha
ng mga punong sumasayaw sa huni ng mga ibon
Dugo ang hampas ng hangin sa mga sayaw nito
Ayaw na rin sanang pansinin pa
ngunit gusto ko lang masaktan
Tulad ng sakit na nararamdaman
ng mga bulaklak na iyong inaapakan
Na lanta na't putol putol
Ang pag-hinga'y
Iyak ng kamusmusang alay
Bawat titig ng mga salita ay utos
ng sakit na iyong nararamdaman,
At ramdam ko rin
itong usal ng hangin na iyong nilalanghap
Na dugo ang hampas
Sa mga punong sawa na sa awit
1 comment:
now, i really feel ure so sad.. hehe balagtas is that you??
Post a Comment