huwag kang magsusulat
habang lumuluha
papangit ang salita
lalamya ang linya
huwag kang magsusulat kung
may narramdamang kirot
gagagaan ang sukat
hihina ang pundasyon
huwag kang magsusulat kung
may pait sa dibdib
kung maaari
ikulong ang nararamdaman
huwag kang tanga
'wag mong ipakita
na marupok
ka.
tumigil na kapag
dumudugo na ang mga daliri
sa kamay
tumigil na kapag hindi na
kayang akuin ng keyboard
ang bigat ng tipa
teka
hindi ako manunulat.
at hindi
ako mahilig sumulat
ng mga
ganito
nagmumukha akong
gago
at baka may makabasa
nito.
